Parlamentarionan, durante reunion publico den Parlamentodialuna ultimo pa trata e Nota di Fin di Aña 2022, a hacidiferente pregunta na Prome Minister Evelyn Wever-Croes pa loke ta trata nombracionnan pendiente. Prome Minister a contesta esakinan indicando cu cada un tin e debido atenciondi Gobierno di Aruba.

 

NOMBRACION DI SEÑOR ADY THIJSEN:

Nombracion di señor Ady Thijsen como Minister Plenipotenciario na Hulanda ta den su fase final y pronto lo manda tur informacion pa Parlamento. Señor Thijsen ta e prome funcionario cu a pasa un screening segun e ley nobo di screening, e ley cu Parlamento a bin cu ne. Un ley, cu segunProme Minister, mester wordo aplica pa Parlamentarionantambe pa asina elimina e sospechosonan y esunnan ribablacklist di Merca for di e Parlamento. E ta un procedura di screening mas intenso y ta rekeri cu Prome Minister manda un reportahe di e screening pa Parlamento. Proximamente señorAdy Thijsen lo wordo huramenta door di Rey Willem Alexander na Hulanda.  

 

NOMBRACION GEVOLMACHTIGDE MINISTER WASHINGTON

E periodo di e Gevolmachitigde Minister na Washington ta yegando su final. Awo ta den proceso ainda pa e nombraciondi un siguiente candidato y mientrastanto a prolonga enombracion di señora Joselin Croes te fin di aña pa wak si nosta keda cla e ora.

 

NOMBRACION DIRECTEUR DBB

E proceso pa cu directeur nobo di Directie Buitenlandse Betrekkingen (DBB) ta andando. Aki tambe tin un comision independiente institui cu tin cu duna Gobiernoconseho. Prome Minister a expresa su deseo cu pronto haya un director nobo pasobra e directeur actual, señor Abath lo ta bahando cu pensioen prome cu fin di aña y mester un persona pa reemplace.