Diabierna casi mey anochi a drenta informe di un accidente cu hende herida dilanti di Cas Casuela na Tanki Leendert, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un Honda Accord geel lo a dal (pusha) un dama peaton pero na lugar di para atende a primi trot y a core bay. Pero a logra mira e number di auto y a duna polis esaki. E dama mes no tabata desea di haya atencion di ambulans y polis a cancela su binimento. Polis ta enbusca di e auto aki.