Diasabra mainta a drenta informe di un accidente cu hende herida banda di Botica Central na Santa Cruz. Mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e dama chauffeur di Honda Fit a bay bira na man robes pero no a duna preferencia na e Chevrolet di direccion contrario. Y e Chevrolet a bay dal net na e porta banda patras unda cu un mucha tabata sinta. Debi na e impacto aki e mucha a resulta herida. Na yegada di ambulans nan a atende e mucha y a transporte pa hospital pa asina ricibi atencion mas avansa y un control medico extenso.