Diamars merdia a drenta informe di un accidente cu hende herida na e birada di Buena Vista, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di e Hyundai Getz a pega sonjo tras di stuur, perde control bay dal e Toyota BB di direccion contrario mande drenta mondi. Debi na e impacto y e drentada di mondi e chauffeur di e Toyota a resulta herida. Na yegada di e ambulans nan a atende e victima na e sitio mes. Polis di trafico a bini na e sitio y a hasi investigashon di e accidente aki.