Diahuebs marduga a drenta informe di un pelea di pareha den parkinglot di un highrise hotel, mesora a dirigi patruya na e sitio. Na yegada di patruya a mira 2 sospechoso drenta un auto y bandona e sitio. A inicia un persecushon ya cu e auto aki no a para pa polisnan. Despues di varios intento di para e auto aki a logra sere entre 2 patruya banda di Eagle Beach. Aki a detene un persona masculino y otro femenino pa a bringa y despues core pa polis. Vehiculo di transporte a bini na e sitio pa transporta e detenidonan pa warda di polis.