Diaranson anochi a drenta informe di un accidente cu hende herida na e crusada di Weststraat cu Professor Lorentzstraat , mesora a dirigi tanto polis como ambulans na e sitio. Na yegada di patruya na e sitio a bin compronde cu aki ta trata di un accidente pa falta di preferencia unda cu un vehiculo bayendo nort den Weststraat no a para y duna preferencia na un motociclista bayendo pabao den Professor Lorentzstraat riba caminda di preferencia. E motociclista a bay dal den banda di e auto cu impacto fuerte heridando e. Ambulans a presenta na e sitio y a transporta e motociclista herida pa hospital. Polis di trafico a bini na e sitio a tuma datos di e accidente aki.