Auto a dal peaton casi ciego den un hanchi scur na Cura Cabay

Diamars anochi a drenta informe di un accidente cu hende herida na Cura Cabay, mesora a dirigi tanto polis como ambulans na e sitio. Na yegada di e patruya riba e caminda di Wendy’s bay nort a bin encontra cu e accidente unda cu un Nissan Cube cu a bay bira drenta un hanchi na banda drechi prome cu e yega e caretera principal, net na e skina scur a topa frontal cu e peaton kende porcierto ta casi ciego y a dal e. E chauffeur no por a haci nada pa evita di a dal e victima M.M. kende ta biba den vecindario di Johnson’s Supermarket. E impacto tabata basta fuerte cu te hasta su curpa a keda marca riba e hood di e auto unda e impacto a tuma lugar. Na yegada di e ambulans nan a atende y a transporte cu urgencia pa hospital.

Share:

Leave a Reply

Your email address will not be published.