Dialuna anochi a drenta informe di un accidente riba e Green Corridor entre Balashi cu Ser’i Teishi, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda e chauffeur di e Toyota Yaris A60158 bayendo pabao di un manera of otro a perde control bay dal den banda y dilanti riba e vangrail kitando full e front bumper y despues bay para un poco mas pabao. Afortunadamente ningun hende a resulta herida y e auto ey so cu e vangrail a ricibi basta daño material.