Diaranson atardi a drenta informe di un accidente cu un hende levemente herida na Prof. Lorentzstraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente hit & run unda un pick-up a subi caminda dal un ciclista y a sigui core bay lagando e ciclista levemente herida kehando di dolor na su pia. Na yegada di e ambulans nan a atende e victima na e sitio mes.
