Sra. Lilly Prince a ricibi medaya di merito for di One Happy Island Lions Club.

Sra. Lilly Prince a ricibi e medaya di merito for di Aruba One Happy Island Lions Club.

E medaya di merito di Lions Club International ta wordo otorga anualmente na un persona of organisacion den nos comunidad cu a destaca y ta aporta na bienestar di nos comunidad.

Recientemente durante e celebracion di e di 5 Anniversario di Aruba One Happy Island Lions Club ( AOHIL). Sra Lilly Prince, Presidente di Konigin Wilhelmina Kankerfonds, a ricibi e medaya aki for di man di Presidente di AOHIL, Lion Eugene Dubero.

Sra. Lily Prince no ta desconoci den comunidad di Aruba. E ta eherciendo e trabou como presidente  di Konigin Wilhelmina Kankerfonds pa casi 27 aña caba, y pa hopi aña e ta brinda su dedicacion na tur pashent cu ta recuri na e organisacion aki pa ricibi sosten y ayudo.

Sra. Lilly Prince ta gusta dedica su tempo limber na trabou boluntario. Semper a traha cu amor y pasion, y ta yuda unda e por sin spera un danki.

Aruba One Happy Island Lions Club kier gradici Sra Lilly pa e trabao incansabel pa comunidad di Aruba y ta felicita Sra. Lilly cu e reconocimento bon mereci aki.

Share:

Leave a Reply

Your email address will not be published.