Dialuna madruga a drenta informe di un accidente cu hende herida na e bocht di Sabana Liber, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un Toyota Yaris biniendo for di pariba cu velocidad halto a slip perde control bay den banda y dal e palo di lus net banda di e chauffeur. E chauffeur a resulta seriamente herida y a keda pega den e auto pa cual motibo a pidi pa e equipo di rescate di bombero tambe presenta. Na yegada di e ambulans nan a controla e victima y a constata cu e ta seriamente herida pero mester a warda bomberonan yega pa asina nan corta e auto pa logra saca e victima. Despues di a logra libera e chauffeur e paramediconan di ambulans a atende y transporte cu urgencia pa hospital. Debi na e accidente wayanan di coriente a kibra causa cu coriente a bay na e vecindario pa cual motibo a solicita presencia di Elmar pa restaura e suministro di coriente pa e vecindario. Polis di trafico tambe a presenta como tambe e investigadornan technico y forensico.