Diasabra mainta a drenta informe di un accidente banda di gate 8 di Refeneria di Citgo na San Nicolas. Mesora a manda un patruya na e sitio. Na yegada di e patruya a bin compronde cu un Toyota Yaris cu lo a baha for di Fortheuvelstraat pero lo a perde control debi na e caminda muha di e yobida y a bai dal den e muraya di e parke. Polis no a encontra ningun persona den e vehiculo. Ora a controla e number, esaki ta pertenece na Mount Scenerystraat y a logra localisa e donjo. Afortunadamente ningun persona a resulta herida. Takelwagen a buska e auto.
