![](https://www.awe24.com/wp-content/uploads/2022/10/078CD257-9A45-478D-9D61-AAE4577246E4-668x334.jpeg?v=1665755154)
Diabierna madruga a drenta informe di cu tin un candela den garashi di un cas na Turibana, mesora a dirigi tanto polis como ambulans na e sitio. Na yegada di e patruya a nota cu e fusebox ta na candela y a haya e habitantenan ta purba di contene e candela cu un extinguidor mientras e cas mes tabata yen di huma tur esnan cu tabata na e cas a sali pafor. Na yegada di bombero nan a drenta cu slang di awa y paga e candela cual a kima full e kashi di coriente na e cas den garage. Despues di esey bomberonan a habri e cas pa e huma peligroso toxico sali mientras a pidi presencia di Elmar. Den transcurso di dia lo laga investiga e causa exacto y tambe haci e reparacionnan necesario.