Diamars mainta a drenta informe di cu tin un persona gritando pa auxilio y manda ambulans cu urgencia, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un persona enfermo cu su salud a empeora y no tabata reacciona mas. Ma yegada di e ambulans tambe a afirma cu e persona aki no ta reacciona y a solicita presencia di un dokter. Na yegada di e dokter a bin constata y a declara cu e persona aki di 66 aña a fayece di un morto natural. Na famia di e fayecido ta bay nos mas sincero palabranan di condolencia y hopi forsa na e momentonan dificil aki.