Diasabra madruga a drenta informe di un caso di kiebro cu ladronicia na Don Jacinto den De La Sallestraat, mesora a dirigi 2 patruya na e sitio. Na yegada di e patruya a bin compronde cu desconocidonan a destrui e glas di e porta pero e sonido y e alarma a alerta bisiña cu a core sali y a mira con un persona sospechoso a core bay pabao. Un di e patruyanan cu tabata cerca y a yega masha liher a haya e descripcion di e sospechoso cu a core bay pero polis no a logra encontre. Aparentemente nan no a logra bay cu nada!