Diaranson atardi a drenta informe di un bringamento formal cu arma dilanti Cinnabon na L.G. Smith blvd., mesora a dirigi varios patruya e.o. di distrito Oranjestad, Noord y Santa Cruz, TOP police y hasta unidadnan K9 tambe na e sitio. Na nan yegada a bin compronde cu cos a bay for di man unda a baha destrui un auto di otro y a start un pelea formal y a bringa cu “kruismoersleutel” (yabi di crus pa tire di auto) y otro cu bate di baseball. Polis a para e pelea aki confisca e armanan y a detene 2 sospechoso y a transporta nan pa warda di polis. Polis a bisa un di e damanan cual su auto a ser destrui cu e por bay recherche entrega keho di destruccion.