Diahuebs mainta a drenta informe di cu tin un candela grandi menasando varios cas na Fuerte, mesora a dirigi bomberonan na e sitio. Na yegada di bombero a wak cu e candela ta cubri un area basta grandi y tabata menasando e casnan cerca. Pesey a pidi refuerso di un tankwagen pa asina yuda combati e candela. Despues di un combate fuerte y directo a logra domina e candela y paga esaki completamente.
