[VIDEO] Dama chauffeur burachi coriendo cu velocidad halto a perde control bay dal van di Jan Poets y cu DJ Edson Tromp aden na rotonde Mahuma

 

 

Diasabra madruga a drenta informe di un accidente cu hende herida y pega den auto na e rotonde Mahuma, mesora a dirigi tanto polis, ambulans como tambe e equipo di rescate di bombero na e sitio. Na yegada di polis a bin compronde cu e dama chauffeur di un Nissan March coriendo cu velocidad halto a perde control bay dal riba e mini van bolter esaki mientras e March mes a bay para poco mas leu. Debi cu e mini van a bolter e chauffeur di esaki kende ta e conocido Jan Poets a keda pega den e mini van y mester a warda pa e equipo di rescate yega pa brinda asistencia medico mientras e pasahero kende ta DJ Edson a keda ileso. Na yegada di e ambulans unabes e chauffeur di e mini van a keda libera e personal di ambulans a atende y a transporte pa hospital. E dama chauffeur cu tabata keha di dolor pa evita su detencion a purba burla bisando cu e tambe tin dolor pero despues di e revision a bin saca afor cu e no tin ningun lesion. Polis a pone e dama supla pa e test y esaki a sali malo pa e dama y polis a detene pa core auto burachi causando un accidente.

Share:

Leave a Reply

Your email address will not be published. Required fields are marked *