[VIDEO] Chauffeur burachi cu a dal auto na Santa Cruz deteni na Oranjestad, “serami numa, pero no laga e muher cu mi celular”

 

Diasabra madruga a drenta informe di cu tin un Toyota Tercel coriendo masha malo mes riba e caminda di Santa Cruz pa Oranjestad, mesora a dirigi patruyanan riba e ruta ey. Despues di un rato un patruya ta logra para e Tercel na Wilhelminastraat banda di Zara, net na e momentonan ey e patruya di Santa Cruz a ser para pa un auto na Santa Cruz y a bisa cu un Tercel berde coriendo malo su spiel a dal e spiel di su auto kibrando esaki y e patruya a pidi pa controla e spiel di e Tercel ta kibra. Esaki a cuadra y e chauffeur di e Tercel su test di alcohol a sali malo p’e. Ey mesora e chauffeur a bisa e polisnan “serami numa, pero no laga e muher cu mi celular”! Polis a detene y a confisca su auto pa mas investigacion di hit & run y sin papelnan na ordo.

Share:

Leave a Reply

Your email address will not be published. Required fields are marked *