Diasabra atardi a drenta informe di cu tin un tas cu aritculonan procedente di ladronicia banda di e bari di sushi den Avenida Milio Croes, mesora a dirigi un patruya na e sitio. Na yegada di e patruya nan a ser atendi pa un persona cu e dia anterior ora cu ela bay benta sushi afo a mira un tas blauw scondi banda di e bari di sushi, e no a preocupa pensando cu e doño lo pasa buske bek. Pero awor cu ela bay benta sushi atrobe a nota cu e tas tey y a dicidi pa tira bista aden. A bin resulta cu a wak como 3 carstereo den e tas y otro cosnan cu lo por ta procedente di ladronicia y ela dicidi pa yama polis. Polis a confisca e tas completo y a bay warda di polis cun’e.