Diabierna mainta a drenta informe di un accidente cu hende herida na Hildebrandstraat na San Nicolas. Mesora a dirigi tanto polis como ambulans na e sitio. Na yegada di e patruya a bin compronde cu e accidente aki tabata na e crusada di e Nijhoffstraat y Hildebrandstraat unda un chauffeur di un auto zilver lo no a duna preferencia na un bus y e bus a dal den e auto. Tanto den e auto y den e bus tabata tin persona cu tabata tin dolor. Na yegada di e ambulans nan a atende cu e victimanan. Polis a tuma datos di e accidente aki.