E barco di stacion den Caribe, Zr.Ms. Holland, den fin di siman a realisa un bishita na e waf di Cartagena na Colombia. Normalmente un bishita ta regular na waf, pero e biaha aki e focus tabata den fortalece e cooperacion den e campo di seguridad y fortalece e lasonan economico cu Colombia. Colombia ta un socio importante den seguridad di Reino Hulandes den Caribe. E delincuencia transfronteriza, incluyendo e trafico di droga, tin un efecto hopi desestabilizador y debilitante den paisnan Caribense. E intenso cooperacion entre Colombia y Reino Hulandes ta contribui na e promoción di e seguridad y e stabilidad internacional den e region, un di e tres tareanan principal di e Defensa.