Diaranzon mainta a drenta informe di un accidente cu hende herida na Sasakiweg poco pabao di Gasparito. Mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un chauffeur di un SUV Hyundai Santa Fe a bai desvia pa un cacho cu tabata crusando caminda, e a baha caminda banda drechi, slip riba caminda muha, bai otro banda di caminda y bolter cay den e greppel meimei. Na prome informe a compronde cu 2 persona a resulta herida y tabata pega den auto. Pero na yegada di polis a habri e porta patras di e SUV y a saca e personanan. Na yegada di e ambulans nan a atende e victimanan na sitio mes.