Diahuebs merdia a drenta e tristo noticia cu Ruben Scorpio Garcia a fayece na edad di 70 aña, maske e añanan por a subi pero semper su animo hoben a keda presente den tur su programacionnan. Ela traha na diferente radio-emisora y a sa di conquista tur su oyentenan nan curason. Semper alegre y cu carisma ganando oyentenan dia tras dia. Ruben su stem a zona den tur skina na Aruba. Grandinan y chikitonan tabata admire pa su estilo unico di animacion. Ela presenta programanan na television y a fungi un sin fin di oportunidadnan como maestro di ceremonia y e tabata hacie semper cu yen di amor. Ruben a bira malo y a cuminsa bay atras den su salud y na un momento a kere cu e lo a recupera pero a bolbe bira malo y malo siman pasa te cu a interne den cuido intensivo y awe ela fayece. Aruba a perde un gran talento, un gran amigo y un bon animador. Palabranan di profundo condolencia ta bay na henter su famia y na su estimado oyentenan.