Dialuna madruga polis pasando riba L.G. Smith blvd. a bin topa cu un auto cu a caba di accidenta riba Linear Park, mesora a baha atende e accidente aki. Locual a sosode ta cu e dama chauffeur di e Chevrolet Spark bayendo pariba a perde control subi e acera na banda drechi bay dal riba un bari di sushi banda di caminda y e auto a keda pega riba e bloki beton cu ta wanta e bari. Polis a hala atencion di e dama chauffeur cu no a yama meld e accidente aki pero ai a yama un takelwagen pa bin busca e auto. Pues por poco e accidente aki lo a bira un otro hit & run. Afortunadamente ningun hende a resulta herida.