Cacho brabo y falso ta bolbe spanta y intimida y hasta ataca severamente bisiñanan na Moko, algun dia pasa a laga un dama na werki pero polis no a haci nada!

 

Diaranzon mainta a drenta informe di cu habitantenan di Moko tin miedo di sali ya cu un di 3 pitbull falso ta los den e bario y cu ni hasta trabao nan no por bay ya cu nan tin miedo di wordo ataca severamente manera cu nan bisiña a ser ataca hasta un bisiña mester a yama su trabao pa laga nan busk’e ya cu e pitbullnan ta los atrobe. Na yegada di e patruya a papia cu algun bisiña cu ta biba den temor ora di sali of yega na nan cas.

Algun dia pasa 2 di e 3 pitbullnan brabo a ataca un dama cu djies pa su salud tabata cana den su bario. E animalnan ey a laga e dama na werki cu ainda e no por reanuda su trabao.

E atake aki a afecta e dama su bida por completo door cu:

– e no por bay cana pa su salud mas den bario door di e miedo cu e ta trece cerca dje pa pa sali for di su cura (no ta sinti safe)

– pa su salud e no por haci movecion den e tempo actual door cu ainda 1 di e mordinan no a cura.

– Ainda e ta bayendo wondenpoli 3x biaha pa siman

– e dama mester a bay keda cerca un yiu pa su mesun proteccion

– pa futuro e tin e trauma di bay pone su bari di sushi pafo di cura y of hasta cana den cura paso no sa ki ora un cacho lo por bin atac’e

Mientras di otro banda gobierno cu hopi fanfaria a gaba cu porfin nan a adkiri un vehiculo cu lo recoge cachonan riba caya pero te ainda nan no a cumpli cu e ley cu nan mes a crea.

Pa colmo riba e vehiculo aki tin asina grandi scirbi “Cacho den cura LEY E TA” anto puntra cuanto cacho a ser gara?……

A bira tempo pa actua pueblo kier su seguridad, si tin hende ta cria cachonan peligroso y esakinan sali for di cura dunanan boet masha halto mes cu lo por core den miles di Florin y kita e cacho for di nan.
Si ta ley e ta enforce!

Share:

Leave a Reply

Your email address will not be published. Required fields are marked *