Dialuna anochi a drenta informe di un accidente cu hende herida riba caminda di Tanki Leendert, mesora a dirigi tanto polis como ambulans pa e sitio. Na yegada di patruya na e sitio a bin compronde cu aki chauffeur di un KIA Picanto no a regula su velocidad ni mantene distancia for di e Toyota S.U.V. su dilanti cu tabata di bira na man robez y a brake, slip bay dal tras di esaki. E impacto tabata basta fuerte y a laga e chauffeur di e Picanto herida ora e lo a dal su csra na e stuurwiel. Ambulans a presenta na e sitio y a atende cu e victima y transporte pa hospital pa tratamento medico. Polis di trafico a bini na e sitio y a tuma datos di e accidente aki pa nan investigashon.