Nos a ricibi e siguiente reclamo di nos seguidornan. Diadomingo mainta esaki tabata e imagennan cu e seguidor a logra capta den Caya G.F. “Betico” Croes, un desaster total, mahos bista. Nos a investiga y a haci un control y a bin logra haya sa lo siguiente. Esaki tabata e resultado despues di e famoso “Black Friday” y e desicion di D.O.W pa stop e hacimento di e caya comercial aki limpi riba diasabra. Ta hopi di lamenta cu pa pueblo bay haci su comprasnan den fin di siman y ta haya e mahos bista desagradable pa haci compras y ta deshaci di e idea di haci compras. Lo mas tristo ainda ta cu cruceronan ta par na waf pa e turistanan baha bishita nos isla y ta haya esaki desagradable. Pa e simpel motibo di scapa poco placa cual ta bay haci nos mas daño cu bon pa scapa e tiki placa ey. D.O.W. por fabor recapacita y re-incorpora e recogemento y hacimento limpi den caya riba diasabra bek!