Diabierna merdia a drenta informe di un caso serio di bringamento cu arma na Mexim na Balashi, mesora a dirigi un patruya na e sitio. Na yegada di e patruya a bin compronde cu aki ta trata di un bringamento cu a caba di sosode unda un homber lo a dal e otro cu un martiu den cabes y ;ague seriamente herida. Ambulans a presenta y a hiba e victima cu urgencia pa hospital. Mientras e sospechoso mes a bandona e sitio den un Toyota Corolla cora direccion na Sabana Liber. Mientras tabata conduci e investigacion un otro patruya a bay na e adres na sabana Liber unda eynan a topa cu e auto na cas di e sospechoso y a bati na porta y detene e sospechoso. E investigadornan technico y forensyco tambe a ser pidi pa presenta y colecta tur sorto di evidencia pa asina prepara e caso di maltrato severo aki.