Diabierna anochi a drenta informe di cu tin un chauffeur burachi cu auto memey caminda den Socotorolaan banda di Postkantoor, mesora a dirigi un patruya na e sitio. Na yegada di e patruya a topa un Kia Sportage cora memey caminda y a bay papia cu e chauffeur. Polis a nota cu e chauffeur ta bao influencia y a dun’e un rijverbod. Despues pa prevencion polis a duna e chauffeur un lift pa su cas tambe.
