Diadomingo atardi a drenta informe di un accidente cu hende herida na e cruzada Koningstraat y Emmastraat. Mesora a dirigi tanto polis como ambulans na e sitio. Na yegada di e patruya a bin compronde cu un Nissan March cora biniendo di Koningstraat lo no a duna preferencia na un Hyundai Accent blauw cla biniendo for di Emmastraat y nan a accidenta. Na yegada di e ambulans nan a atende cu e victima y a transport’e pa hospital.
