Diadomingo atardi a drenta informe di cu un persona lo a hoga na Eagle Beach, mesora a dirigi tanto polis como ambulans na e sitio. Na yegada di e patruya ya caba ambulans tabata na e sitio dunando prome auxilio. A bin compronde cu aki lo ta trata di un turista cu lo a bira malo den lama y a ser rescata te cu e tabata reacciona pero asina mes a hib’e hospital pa un control mas intensivo.
