Diaranzon atardi un polis den su oranan liber a nota un sospechoso busca pa justicia den un negoshi den Caya G.F. “Betico” Croes. Mesora a dirigi un patruya na e sitio. Na yegada di e patruya e encontra e sospechoso y e a core bai. Polis a core su tras, e sospechoso a laga su slof di Adidas atras ora e tabata core. Polis logra gara e sospechoso banda di Kinikini Building. Polis a detene e sospechoso y a transport’e pa Warda di Polis.
