Diaranson atardi a drenta informe di cu tin un auto para basta rato banda di caminda cu 2 hende aparentemente burachi drumi den auto na Calabas, mesora a dirigi un patruya na e sitio. Na yegada di e patruya a nota 2 persona di edad y bao influencia den e auto, polis a papia cu nan cu pa nan mesun seguridad y di otro ta mihor pa polis hiba nan cas y laga e auto eynan te ora e curpa di e chauffeur drecha e pasa busca e yabi na warda. E chauffeur a obedece y a duna polis e yabi pero e pasahero no tabata di acuerdo y a insulta hasta menasa e agentenan. Increible con e polisnan aki a sa di contene nan mes y a keda trankilo y a keda cu nan Santo pasenshi roga un bon rato pa convence e pasahero pa subi e vehiculo di transporte pa por hibanan cas. Ta di aplaudi e atencion cu polis a duna e personanan aki cual tabata burachi y aunke a haya masha hopi insulto y hasta menasa a keda trankilo y a logra nan meta di hiba e ciudadanonan aki y laga nan salvo na nan cas.