Dialuna atardi net ora cu un patruya tabata pasando dilanti Rey Hing Foodcenter nan a ser para pa algun persona di e foodcenter kendenan a bisa cu nan a caba di captura 2 mucha cu lo a caba di purba horta un tube pa lama, mesora polis a baha atende e asunto. Polis a bay na e mayornan di e muchanan pa asina atende cu nan tocante e comportacion di e muchanan. E muchanan mes a bisa cu nan tabata kier un tube pa bay lama pa hunga cu esaki y como cu nan no tabata tin placa nan kier a djies sali cun’e sin paga pa esaki. Despues di cu polis a hala nan atencion e muchanan por a bay cu nan mayornan.