Diaranson mey anochi a drenta informe di cu tin un homber burachi drumi den un auto na Bubali, mesora a dirigi un patruya na e sitio. Na yegada di e patruya a topa cu un homber cu a kita e yabi di auto di un persona burachi drumi den e auto y a duna polis e yabi. Polis a bay na e auto y a haya e homber drumi y a lant’e. Polis a papia cun’e y e homber trankilamente a acepta pa polis dun’e un lift pa su cas. E vehiculo di transporte a yega e homber a subi y polis a bay bah’e na su cas y den oranan di dia e por pasa busca su yabi na warda di polis na Shaba.