Diadomingo riba e prome mainta di aña a drenta informe di un persona desconosi lomba sunu pia abao y zipper habri cu a tribi drenta den camber di mucha muhernan y nan tin e wanta na Hubadastraat, mirando cu mayoria di polisnan tabata na Savaneta cu e asunto di ilegalnan, droga y arma cu a drenta Aruba a dicidi pa manda patruya di strandpolitie na e sitio. Na yegada di e patruya a bin compronde cu e homber a drenta cas di otro hende lomba sunu, pia abao y cu zipper habri y bay den camber di mucha muhernan. Ora e dama a descubri e homber den e camber e dama a dal un grito y e homber a core sali. Cu ayudo di bisiña a logra blokea e vehiculo di e intruso. Segun e sospechoso ela bay na cas di su amigo pero como cu e tabata burachi ela ekiboca di cas y a drenta cas robes y a core sali bay. Polis a detene e sospechoso y a bay warda di polis cun’e.