Diadomingo mainta a drenta informe di un accidente na e rotonde banda di Superfood. Mesora a dirigi tanto polis como ambulans na e sitio. Un materialenwagen di Brandweer a topa cu e accident aki y a kita e yabi di e auto cu tabata purba huy. Na yegada di e polis a bin compronde cu un chauffeur di un Volvo lo a dal tras di un SUV y a sigui core bai dal den e rotonde. Na yegada di e ambulans nan atende cu e chauffeur di e Volvo cu lo a dal su pecho den e stuurwiel.