Diadomingo madruga a drenta informe di cu tin un dama cu a keda sera den “Recuerdos de ella” na Piedra Plat, mesora a dirigi un patruya na e sitio. Na yegada di e patruya a bin compronde cu ya tabata e ora di sera y un pareha den auto cla pa bay, pero e dama mester a bay baño cu urgencia y e dama bayendo bek na e luga mientras e homber a bisa e dama pa avisa e doño cu e ta bay baño un rato. Pero e dama no a bisa e doño nada y na un dado momento e homber sinta den auto ta mira e auto di e doño bay y nada di su casa ela baha pa bay wak y ta scucha batimento na e porta paden di e lugar y ta scucha su parhea ta grita pa habri e porta. Polis a nota e situacion aki y nan no tabata sa e number di e doño pero nos colaborador tabata tin e number di e doño y a facilita polis esaki. Despues di 2 biaha purba yama sin contesta ata diripiente e doño ta yama e number cu a yam’e 2 biaha y polis ta splica e situacion. E propietaria a dicidi pa bini y habri e porta. Na yegada di e doño a habri e porta y e dama a logra sali. Ora e doño tabata bayendo na su auto ata e homber ta acerca nan pidiendo pa habri e porta bek ya cu e pareha su cellular a keda den e lugar. Pero aki si e doño a bis’e pasa den ora di dia ora e lugar ta habri pa busk’e.