![](https://www.awe24.com/wp-content/uploads/2023/01/3BB5F24E-3C9B-443E-B827-2FFFF174FB00-668x334.jpeg?v=1674329583)
Diabierna atardi a drenta informe di un problema entre un ex pareha na Avenida Milio Croes, mesora a dirigi patruyanan na e sitio. Na yegada di e prome patruya a bin compronde cu aki ta trata di un caso unda e ex a bini na e cas di e dama, agredi e dama y causa destruccion y net un tiki prome a bandona e sitio. E dama a describi e agresor bisti cu flanel blanco short preto. E patruya na e sitio a sugeri e otro patruyanan pa controla e areanan den Avenida Milio Croes. Un otro patruya a logra topa e agresor den Olijfistraat y a detene como cu e dama a bisa cu e ta entrega keho di maltrato cu destruccion. Ora a detene polis a nota man di e sospechoso na sanger y esaki ta debi cu ela kibra un glas na e cas pa drenta cerca e dama.