Diahuebs atardi a drenta informe di un accidente pa falta di preferencia cu hende levemente herida na Ponton, mesora a dirigi tanto polis como ambulans pa e sitio. Na yegada di patruya na e sitio a bin compronde cu aki chauffeur di un Jeep a bay subi caminda sin duna preferencia riba trafico di caminda grandi y a dal den un Hyundai Accent bayendo zuid. E impacto tabata fuerte y a causa hopi danjo material y a laga un persona levemente herida. Ambulans a presenta na e sitio y a atende herido. Polis a tuma datos di e accidente aki.