Diabierna madruga a drenta informe di cu 2 persona a bula cura drenta Tuscany Residences y a pega un auto na candela, mesora a dirigi tanto polis como bombero na e sitio. Na yegada di e patruya a bin compronde cu un auto a para cerca di e cura 2 persona a baha bula drenta den e lugar y un rato despues ta nota un auto den e cura na candela y e 2 personanan a bula bek pafo subi auto y bay for di e sitio. Na yegada di bomberonan nan a paga e candela di e auto Chevrolet basta nobo. Polis a purba haya e doño di e auto pero esaki no tabata posibel ni e bisiña sa ken ta biba eynan.