Diabierna madruga a drenta informe di un accidente cu hende herida na altura di Bushiri Karting riba E.J.”Watty” Vos blvd., mesora a dirigi tanto polis como ambulans na e sitio. Na yegada di e patruya a bin compronde cu e dama chauffeur di e Nissan Tiida a perde control baha caminda y bay dal riba e barancanan. Debi na e impacto fuerte tanto e dama chauffeur como e dama pasahero a resulta herida. Na yegada di e ambulans nan a atende e victimanan.
