Diahuebs merdia durante cu polisnan atento di bario Oranjestad tabata atendiendo un asistencia na Meiveld pa asunto di molester di pos, diripiente un persona a cuminsa core y polis mesora a bay su tras y a logra captur’e. A bin resulta cu e homber ta indocumenta na Aruba y mesora a detene e individuo. A solicita e vehiculo pa transporte pa asina hibe warda di polis unda eynan despues di comproba su presencia illegal lo ser hiba Guarda Nos Costa pa tramita su expulsion. Na Guarda Nos Costa a bin descubri cu aki ta trata di un persona nacionalidad surinameño y a want’e pa su expulsion.