Diahuebs merdia central di polis a informa tur e unidadnan riba caya pa tira bista riba un auto specifico y a suministra e number tambe pa tur unidadnan ya cu esun cu ta cu e auto no tin permiso di e doño di auto. En conneccion cu e informe aki e patruya a bay na un garashi na Papilon pa mas informacion. Eynan por a compronde cu e mecanico lo a avisa e doño cu e por busca su auto cu ta cla caba, pero na yegada di e doño na e garashi su auto no tabata tey. Polis a compronde cu e mecanico aki lo a duna un hende un lift (aparentemente pa controla e auto). Polis a compronde cu e mecanico lo a bay un caminda pero despues a bin topa cun’e na e garashi unda a acalarea tur cos y cu aki tabata trata di un confusion. Pero asina a aclarea e asunto y e doño a haya su auto bek.