Diasabra mainta a drenta informe di un caso di hinkamento na Uruguaystraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un caso unda 2 homber a yega na e adres y a propina e homber un hinka den lomba y nan a core bay. Polis a nota cu e situacion ta hopi serio y a pidi ambulans cu mas urgencia. Ademas a sera e caminda dilanti e cas y a pidi tanto slachtofferhulp como recherche na e sitio. Na yegada di e ambulans a nota cu e situacion ta serio y mester yudansa di escolta policial pasobra mirando e hinka cada seconde ta di vital importancia. Recherche a presenta y a inicia mesora cu e investigacion. Nos lo sigui informa…..