Dialuna merdia despues di cu un dama cu a ser agredi pa su ex-pareha e anochi anterior y a bay entrega keho di maltrato cu menasa na recherche contra e homber cu ta un security di un banco, recherche a emiti un peticion pa buskeda y detencion di e sospechoso J.J. kende ta traha como security di C.M.B. Polisnan incognito a spot y sigui e auto di banco nan a pidi pa patruyanan riba caya den centro di Oranjestad pa para e auto y detene e sospechoso. E sospechoso a yega te na su trabao y eynan pa tur precaucion a mand’e plat na tera pa asina imposibilite pa tuma cualkier accion descabeya.  Na e parkinglot dilanti Landsloterij a bay na e auto di e sospechoso y a busca wak si pir logra haya e arma. Polis a pidi e vehiculo di transporte pa asina hib’e na warda di Santa Cruz pa recherche atende cun’e.