Diadomingo atardi a drenta informe di un accidente unda un auto lo a dal un palo di lus kibra, mesora a dirigi un patruya na e sitio. Na yegada di e patruya a bin compronde cu aki ta trata di un chauffeur cu a desvia pa un auto cu a bira su dilanti ela baha caminda na man drechi subi acera y a dal un palo di sosten kibra y tambe e muraya di e compleho di apartamento. Esaki  pone cu waya tabata colga riba e caminda stroba trafico. Polis a nota cu e chauffeur parce ta bao influencia y a purba pone supla pero como e no tabata tin suficiente rosea y no por a supla largo suficiente a hib’e pa test na e aparato na warda y a keda constata cu e no ta burachi y un rato despues a lague den libertad.