Dialuna merdia a drenta informe di un accidente na Sero Janchi, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e chauffeur di e Mitsubishi Lancer biniendo for di nort a bira na su man drechi pero tumando e birada mucho grandi y a bay dal den banda riba un Ford Figo. Polis a nota cu e chauffeur di e Lancer ta burachi y a pone supla y esaki a resulta di surpasa e limite permiti pa ley. Polis a detene e chauffeur di e Lancer.