Diasabra atardi a drenta informe di un accidente cu hende herida na e crusada Venezuelastraat / Weststraat, mesora a dirigi tanto polis como ambulans na e sitio. Na yegada di e patruya a bin conpronde cu aki ta trata di un accidente unda cu e dama chauffeur di e Mitsubishi Outlander biniendo for di pabao den Venezuelastraat no a para pa duna preferencia na e Ford Fusion biniendo di zuid den Weststraat y nan a dal den otro tanto e dama den e Outlander como tambe e caballero den e Fusion a resulta herida. E dama tabata keha di dolor na nek y e caballero tabata keha di dolor na su man. Na yegada di e ambulans nan a atende ambos victima.